Gaon nigalte shahar. 2

.....natija hai. Saikdon nai bimariyan paida ho gai hai. Kal hi ki khabar hai bihar me rahasyamai bukhar se 109 bachchon ki maut ho gai hai. Saikdon anya beemar hain. Doctors ki samajh me nahi aa rahi ye nai beemari. Aise hi na jaane kitni anya bimariyan abhi tak ajnabi hain hamare liye. Jitni tezi se han pragati ke path par badh rahe hain utni hi teji se ham apne liye nai musibten paida kar rahe hain. Aaj ham jis jagah par hain wahan tak pahunchne ke liye hamne prakrati se kitni doori tay ki hai ye batane ki jaroorat nahi hai. Hamne jitni doori prakrati se tay ki utni hi doori prakrati ne hamse banayee hai. Hamne gaon todkar shahar banaye shahron ne hame tod diya. Zindagi ka bas naam rah gaya hai varna zindagi to ham kab ki peechhe chhod aaye. Kyon ham....

Gaon nigalte shahar 1

Dheere-dheere shahar apni baahen failate ja rahe hain aur aaspas ke gaon usme samate chale ja rahe hain. Kheti ki zamin sikudti ja rahi hai. Chappar aur khaprail beete dino ki baaten ho gai hain. Ab gaon me kheton me concret ke jangal ug aaye hai. Din par din ye jangal badhte ja rahe hain. Hariyali dekhne ko aankhe tarasne lagi hain. Charo taraf badi-badi imarten, chill-pon karti, dhuan ugalti choti-badi gadiyan aur in sabke beech bhagte, daudte aadmi. Sham ko ghar jaane tak kai liter jahreela dhuan peene ko bebas, bheed bhari buson me ek dusre par chade, garmi re behal ghar tak pahunchte-pahunchte thak kar nidhal hota jeevan. Kahan se aayi itni bheed? Kahan kahan se aaya itna dhuan? Ye sab pragati ka parinam hai. Ye sab hamare prakrati se door hone ka....

Gauraiya

Gober lipe aangan me, bhor ki pahli kiran, jab utar aati thi kuhase ki chadar odhe, tumahari madhur chi-chi goonjne lagti thi ghar ke kone-kone me, mano kah rahi ho, o sone walo uthkar dekho bhor utar aayee hai, mehndi lage paon se. Tum fudakti hui aangan me pada dana uthakar fur se ud jatin thi, ya chhappar ke foos se ek tinka churakar, rakh aati thi kachchi kothri ke roshandan me, jahan tumhara chhota sa ghosla, jisme aane the kuchch chote bachche, andon se nikal kar fir furr-furr, chi-chi karne lagte, bilkul tumhari tarah, aur ek din ud jate hamesha ke liye, apna ek alag sansar basane ko, tum fir churane lagti foos ke tinke, fur se ud jaati koi dana lekar, fir chahchahati ho chote bachchon ki chi-chi me. Aah! Gaurraiya tum kahan chali gai ho?

कभी

कभी धुप में, कभी छाओं में , कभी शहर में, कभी गाँव में।
तुझे ढूंढता फिरूँ दर-ब-दर, कभी इस नगर कभी उस नगर,
थक गए कदम मगर, न तू मिली न तेरी ख़बर।
कहाँ है तेरा ठिकाना बता? कहाँ मिलेगा तेरा पता?
दूर तक है अँधेरा घिरा, जहाँ तक जाती नज़र।

SARDI KI SUBAH

SARDIYON KI SUBAH, KUHRE SE BHARI,
DOOR-DOOR TAK SIRF SAFED CHADAR,
THANDI-THANDI PACHHUA HAWA, MASTATI,
HOTHON KI KANPKAPAHAT KE SATH,
DATON KI KITKITAHAT,
ASMAN MEN KOI HALCHAL NAHIN,
NA PARINDON KI CHAHCHAHANE KE SWAR,
NA GUNGUNI DHOOP KA KHUMAR,
SURAJ BHI SHAYAD DUBKA PARA HAI LIHAF ME,
USE BHI SUBAH KI KOI FIKRA NAHIN,
BHOR KE KUHASE KO CHEER KAR KOI HORN KI AWAZ,
HIGHWAY SE FAILTI CHALI AATI HAI,
IS NAI BANI KOLONI KE GHARON KE AANGAN TAK,
JO AB TAK PADE HAIN SHANT,
IS KOLONY MEN ABHI TAK SUBAH NAHI HUI, NA KOI MURGE KI BANG SUNAI DI PAS KE GAON SE,
MAIDAN KI GHAS KE HOTHON PAR OS KE BINDU,
HAWA KE SATH THARTHRATE HUE, JAISE DAWAT DE RAHE HON MUJHE,
APNE SAATH KHELNE KE LIYE,
MERE SHAREER KO DHAKNE WALE GARAM KAPDE BHI SHAYAD,
MERE SAATH KARNE LAGE THE ATHKHELIYAN,
TABHI TO THANDI HAWA KE JHONKON KO ROKNE KE BAJAY,
CHALE JANE DE RAHE HAIN, MERI TWACHA KI KOSHIKAON TAK,
AUR KANPKAPA JATI HAI MANS ME DABI HADDIYAN,
THAND SE KANPKAPATE HATHON KO BAR-BAR EK DOOSARE SE RAGAD KAR,
KUCHH GARMI PANE KI KOSHISH MEN,
MERE JAHAN MEN UBHAR AYAA TUMHARA CHEHRA,
JAB AISI HI EK THANDI SUBAH MEN,
MERE KANPTE HATHON KO TUMNE SAMET KAR,
THAM LIYA THA APNI GARM-GARM HATHELIYON KE BEECH,
MERI KANPTI DEH KHUD-B-KHUD SIMAT GAYI THI,
TUMHARE AGOSH ME,
AUR SARDI DOOR KHADI THANDI- THANDI AANHE BHARTI RAHI THI,
KASH, AAJ BHI TUM AAKAR SAMET LETE MUJHE,
APNE KOMAL ANGO KE BEECH AUR MAI CHAHAK UTHTA,
IS KUHRE BHARI SARDI MEN.

Mumbai ke dhamake.

kuchh to baat hai ke hasti mitati nahin hamari, raha kare dushman sadiyon jahan hamara.
mumbai ek baar fir lal ho gai manaviya lahoo se. dhamakon se goonj uthi fiza. dhoo-dhoo kar jal utha taz. kitne begunah kal ke gaal me sama gaye. a t s ke kitne jawan shaheed ho gaye. tab na koi marathi tha, na koi panjabi, bihari ya south indian. bas sabke sab indian the. aatankiyon ki guns sirf hindustaniyon ko maar rahi thi. us samay kahan the Raj Thakre? kahan the M.N. sena ke karyakarta. Kya ho gya is maharashtra ke sher ko? kyon nahin cheekha " Amchi Mumbai"?
kyon nahin kaha apne karyakartaon se ki jaise tum maar rahe the north indians ko baise hi aatankvadiyon ko maar kar nikal do mummbai se bahar? Kyon wo aawaz sunai nahin di dhamakon ke beech jo pichhle kafi samay se roz north indians par kahar bankar toot rahi thi? Kya ye sher mitti ka sher tha? Bhaiya Jab samay aata hai tab marathi, hindi, panjabi,ya bangali nahin dikhai de rahe the tab to aage badhkar seene par goliyan kewal bharat maa ke sapoot kha rahe the.
Raj bhiya hindustani hindustani hota hai. chahe woh U.P. ka ho, ya maharashtra ka.

saans bankar.................

ik roz maazi ban jayunga main,
tujhko bahut yaad aaunga main.
is duniya me mera kuchh bache na bache,
teri dhadkan me baaki rah jaunga main.
tere aansoo jab tapak kar bhigo denge takiya ko,
bistar ki salvaton me ubhar aaunga main.
har subah takna door jhankti pahadiyon ko,
sooraj ki lali me jhilmiaunga main.
mujhse bhagna tera beimaani hogi,
saans bankar tere bhetar utar jaunga main.

Marathi manus Raj Thkre ko koi samjhata kyon nahin bechare apne pradesh ke liye, apne pradesh ki janta ke liye chintit hain. mumbai maharastra ki arthik arthat sona ugalne wali nagri hai. is nagri se sara paisa to ye bhaiya log bihar aur U.P. liye ja rahe hain. Agar abhi nahin chete to thode dinon men mumbai ka sara paisa U.P. aur Bihar me pahunch jayega. UP Bihar ke log paise ke dheron par aish karenge. Mumbai me kuchh bacha nahi rah jayega, sivay abhisek ki aish ke, jo pahle se hi UP ki ho gayee. Is tarah to marathi manus bhukha mar jayega. Mumbai ke assi pratishat karobaar par to yahi bhaiya log kabza karke baithe hain chahe wo chai ka stal ho ya pan ki dukan. Doodh wala ho ya sabji wala, ghar ka naukar ho ya watchman, driver ho ya rasoiya. sab ki sab badi-badi post to bhaiya logon ne kabzai hui hain. Marathi manus ke liye kuchh chhoda hi nahin hai. Galyon men marathi mulga-mulgi ke kahkahon ki jagah naak sudakte bihari bachchon ki chill - pon sunai deti hai. Sadkon par bhaiya logon ka huzum. Juhu beach par marathiyon ki bhel poori aur pani poori bhi bhaiya hi bechta milta hai. Ganpati ke samay jis jagah par marathi ganpati ko dubaya karte the wahan par bhaiuya log chhath poojne lage. Maharastra ki adhiktar milon men ye bhaiya saman dhone, chaukidari karne aur safai jaise bade -bade kam karke marathiyon ke pet par lat maar chuke hain. Iske alawa inhone marathiyon ko kamjor bhi bana diya hai. ab dekho na ye log marathiyon ki kothiyon par chhadu - ponchha karke, unke lawn me pani dekar, unka khana banakar unko aalsi banane par tule huye hain. Jab sara kam yahi log karte rahenge to jahir hai ki marathiyon ko thode hi dinon men bhopokhe marne ki naubat aa jayegi. Ab bhaiya! Bala Sahib thakre to kuchh karne se rahe kyonki unhonne apni shiv-sena ki shakhayen bhiya logon ki galiyon tak faila rakhi hain, aur bhavishya ki chinta bhi hai. so wo to panga lene wale nahin. Ab kul mila ke ek yahi aadmi yani Raj Thakre ji hi to bache hain jo maratiyon ka aur sirf marathiyon ka bhavisya ki chinta karne wale bache hain. Agar wo bhi nahin sochenge to kaun sochega. iske chalte ek Rahul Raj ya Dharm Dev to kya agar sare bhiya logon ki bali chadhani pade to wo bhi kam hogi. AAkhir police to hamare great LEADER Raj sahib ke saath hai. Aur police hi kya hospital, doctor sab saath hain. Baaki leaders ko bhi apni shakh bachani hai to unhen bhi apne kanon par ungli rakhni padegi. juban ko marathi sree khand men dubokar meetha - meetha bolna hi padega hi. Aakhir vote ka sawal hai. Bhaiya logon ke vote to pahle se hi aur logon ne book kar rakhe hain. to kewal marathiyon ka hi sahara hai. isliye sahib ham to ye hi chahenge ki saare bhaiya logon ko mumbai aur maharastra ke baaki ilakon se khaded diya jaye jisse maharastra ki dhan sampada maharastra me hi rahe aur marathi manus bhookhon marne se bach jaaye. Aur bhaiya! saare bhaiya logon se mera nivedan hai ki jaldi se jaldi mumbai khali karo jisse Raj thakre ka kam aasan ho jaye. Sahi baat to ye hai ki hamare yahan marathi aate nahin, hain bhi to ikka - dukka. Unko khaded kar bhi tum apni rajneeti nahin chamka sakte. tumhari police bhi tumhara saath nahin degi , jaise mumbai police ne Raj ka diya. Raj ko aatankwadi ya atiwaadi bhi ghoshit karva kar tum kuchh nahin kar loge kyonki vote to congress , BJP, aur doosri partiyon ko bhi chahiye. kaun dale aag me hath jab chunov saamne hain. Bhag lo bhaiya bhag lo mumbai se. Ab marathiyon ko apni tatti khud hio saaf karne do varna .............. marathi bhookhe mar jayenge.

आदमी

रुपयों की शक्ल में रोटी को गढ़ रहा है आदमी।
हर रोज़ एक सूली पे चढ़ रहा है आदमी।
ज़मीनों- आसमान बख्शे हैं रहने को खुदा ने,
तंग गलियों में फीर भी सड़ रहा है आदमी।
इतना मजबूर -ओ - बेबस हो गया है की,
उन्माद में ख़ुद से ही लड़ रहा है आदमी।
आसमान की बुलंदियों को छूने की कोशिश में,
आदमी के ऊपर चढ़ रहा है आदमी,

ऐसा क्यों होता है?

जिन्दगी को जीने का अपना -अपना तरीका है,
हर कोई अपनी ज़िन्दगी को अपने ख्यालों के हिसाब से
सजाता है/ रंग भरता है।
कुछ लोग ज़िन्दगी को हवाले कर देते हैं आंसुओं के,
और कोई दूसरों के लिए अपनी खुशियों को निसार कर देते है,
औरखिलाते रहते हैं उनके होठों पर मुस्कान,
कुछ लोग जीते हैं सिर्फ़ अपने लिए, भूल कर सारी दुनिया की रंगीनियों को,
अपनी धुन में मगन , अपने रास्ते चलते -चलते ,
निकल जाते हैं अपनों से / अपने बिगत से बहुत दूर,
मगर जीने की कला तो सिर्फ़ वोही जनता है जो दूसरों के लिए जीता है।
तभी तो हर कोई देता है पतंगे की उपमा, जो दे देता है हँसते - हँसते
दीपक की लौ पर अपनी जान।
ज़िन्दगी के कुछ पन्ने फिर भी रह जाते हैं खाली, सफर ख़त्म होने के बाद भी,
और वोह पन्ने हमेशा सालते रहते हैं ज़िन्दगी को ,
गाहे - बागाहे ख्यालों में आकर,
क्यों रह जाते हैं ये कुछ पन्ने खाली, इतनी लम्बी ज़िन्दगी के बाबजूद
क्यों नहीं मिल पता कोई रंग इनके कोरेपण को रंगीन बनाने के लिए,
क्यों नहीं बनते अक्षर, शब्द इन पन्नो की लाइनों पर,
क्यों होता है ऐसा इस ज़िन्दगी में?